Home Contact Papiamentu Nederlands

Akshon di firma Investigashon tokante integridat Download foyeto Komunikado di Prensa

Akshon di firma “Kòrsou den Klaridat” “Akshon Dushi Kòrsou” ke kolekta firma pa eksigí un investigashon riba integridat di nos mínísternan. Nos punto di salida ta un posishon politikamente neutral. Un investigashon lo benefisiá nos tur. Tantu esnan pro- komo esnan kontra di e gabinete aktual. E akusashonan serio aki a hinka e gabinete den un húki i a kondusí na un kampaña di relashon publiko di gobièrnu pa trese lo kontrario dilanti. Por papia di un krusihada polítiko. Nos tin di biba huntu riba nos Dushi Kòrsou i huntu nos mester resolvé nos problemanan interno. Un investigashon ta nesesario pa trese konfiansa bèk den nos gobernashon serka un gran parti di nos poblashon. E grupo di akshon su meta ta, pa medio di un akshon di firma, boga pa un investigashon profundo, hasí pa un komishon independiente sin vinkulo polítiko. Asina por inisiá un komienso nobo pa nos país, un komienso kaminda kooperashon i komprondementu mútuo ta prevalesé. Un demokrásia basá riba bon maneho i respèt mútuo entre polítikonan. Un país kaminda ta reina un aktitud di positivismo pa nos futuro. Un Kòrsou den harmonia ku konfiansa den su lídernan. Mas info   Download nos foyeto Download e foyeto for di nos website pa pone bo firma. Por intregá e dokumento aki den barí na supermerkado Goisco, Albert Heijn, Mangusa, Centrum, Alves, Esperamos i Vreugdenhil te 3 dezèmber. Mas info

Metanan di e grupo di akshon Investigashon tokante integridat Bon gobernashon pa nos país!         Nos meta ta pa trese trankilidat i konfiansa bèk den nos mandatarionan.Esaki nos ke logra pa medio di urgi Parlamento òf nos Gobernador pa inisiá un investigashon. Kualke akusashon negativo mester keda profundamente investigá riba su kredibilidat Mas info  E investigashon tokante integridat ta bai mas leu ku persekushon penál. E komportashon étiko i morál di esnan konserní, basá riba balor- i normanan di nos sosiedat, ta hunga un papel masha importante. Mínísternan, komo e ehekutivonan mas haltu di nos país, mester kumpli ku eksigenshanan mas stringente ku normal. Mas info  E grupo aki ke bon gobernashon pa nos país. Nos país tin tur e ingedientenan pa desaroyá su mes pa bira un país moderno i ekonómikamente sólido. Esaki, unikamente ta posibel ku un gobièrnu kapás i stabíl kaminda no tin lugá pa hendenan korupto. Dushi Kòrsou ta hopi preokupá ku e desaróyonan polítiko aktuál. Mas info

© All rights reserved, 2011